‘মোৰ ওপৰেৰে বুলড’জাৰ চলাই দিয়ক’, বিজেপিক প্ৰত্যাহ্বান মমতা বেনাৰ্জীৰ
অভিষেক বেনাৰ্জীৰ বাসগৃহ পৰিদৰ্শনৰ পিছতে বিজেপিৰ বিৰুদ্ধে সৰৱ; কালিঘাটত কালীপূজাৰ উদযাপনত বাধা দিয়াৰো অভিযোগ
অসম জাতিৰ খবৰ, ৭ নৱেম্বৰঃ তৃণমূল কংগ্ৰেছৰ সাংসদ অভিষেক বেনাৰ্জীৰ বাসগৃহত আক্ৰমণৰ অভিযোগক কেন্দ্ৰ কৰি বিজেপিৰ বিৰুদ্ধে সৰৱ হৈ পৰিছে পশ্চিমবংগৰ মুখ্যমন্ত্ৰী মমতা বেনাৰ্জী। অভিষেকৰ বাসগৃহ পৰিদৰ্শনৰ পিছত সংবাদ মাধ্যমৰ আগত বিজেপিক প্ৰত্যাহ্বান জনাই তেওঁ কয়, “আপোনালোকৰ হাতত কিমানখন বুলড’জাৰ আছে? আহক, মই আপোনালোকৰ সন্মুখতে থিয় হৈ আছোঁ। মোৰ শৰীৰৰ ওপৰেৰে, বুকুৰ ওপৰেৰে বুলড’জাৰ চলাই দিয়ক। আপোনালোকৰ সাহস কিমান, সেয়া চাব বিচাৰোঁ।”
উল্লেখ্য যে ইয়াৰ কেইঘণ্টামান পূৰ্বে অভিষেক বেনাৰ্জীয়ে অভিযোগ কৰিছিল যে শনিবাৰে পুৱতি নিশা প্ৰায় ২ বজাত কলকাতাৰ কালিঘাট ৰোডত থকা তেওঁৰ বাসগৃহত বিজেপি সমৰ্থিত দুৰ্বৃত্তই আক্ৰমণ চলায়। তৃণমূল কংগ্ৰেছৰ কৰ্মী-সমৰ্থকৰ সৈতে সংঘাতৰ পিছতে এই ঘটনা সংঘটিত হোৱা বুলি তেওঁ দাবী কৰে। ঘটনাটোক জীৱনৰ প্ৰতি ভাবুকি কঢ়িয়াই অনা আক্ৰমণ বুলিও অভিহিত কৰে সাংসদগৰাকীয়ে।
সামাজিক মাধ্যম ‘এক্স’ত অভিষেক বেনাৰ্জীয়ে লিখে যে দুদিন ধৰি অঞ্চলটোত নিৰীক্ষণ চলোৱাৰ পিছত তেওঁৰ বাসগৃহত আক্ৰমণ কৰা হৈছিল। তেওঁ দাবী কৰে যে যদিহে এগৰাকী নিৰ্বাচিত সাংসদৰ বাসগৃহত এনে ঘটনা ঘটিব পাৰে, তেন্তে সাধাৰণ নাগৰিকৰ অৱস্থা কেনে হ’ব পাৰে, সেয়া সহজেই অনুমেয়। বিগত ছমাহত তেওঁৰ ওপৰত এয়া সপ্তমটো আক্ৰমণৰ চেষ্টা বুলিও অভিযোগ কৰে অভিষেকে।
ইফালে, কলকাতাৰ কালিঘাটত কালীপূজাৰ উদযাপনত বাধা দিয়াৰো অভিযোগ উত্থাপন কৰিছে মমতা বেনাৰ্জীয়ে। অৱশ্যে আক্ৰমণৰ অভিযোগ আৰু ঘটনাৰ সম্পূৰ্ণ পৰিস্থিতি সন্দৰ্ভত সংশ্লিষ্ট পক্ষসমূহৰ বক্তব্য তথা তদন্তৰ তথ্য প্ৰকাশ পোৱাৰ পিছতহে অধিক স্পষ্ট হ’ব।
সম্পূৰ্ণ সংবাদপত্ৰৰ ৰূপত আল্ট্ৰা-এইচডি জুম আৰু PDF ডাউনলোড সুবিধা।
ৰাষ্ট্ৰীয় বিভাগৰ অধিক সংবাদ
ৰাষ্ট্ৰীয়
অমিত শ্বাহৰ ভিডিঅ’ সম্পাদনা কৰি প্ৰচাৰ কৰাৰ অভিযোগ, ৰাহুল গান্ধীক প্ৰহ্লাদ যোশীৰ প্ৰত্যুত্তৰ
ৰাষ্ট্ৰীয়
