🔴 ব্ৰেকিং নিউজ
প্ৰথম পৃষ্ঠা › ৰাষ্ট্ৰীয় › মাতৃবিয়োগ যোগী আদিত্যনাথৰ, উত্তৰাখণ্ডৰ পৈতৃক গ...
ৰাষ্ট্ৰীয়

মাতৃবিয়োগ যোগী আদিত্যনাথৰ, উত্তৰাখণ্ডৰ পৈতৃক গাঁৱত শোকৰ ছাঁ

৯১ বছৰ বয়সত পঞ্চুৰ গাঁৱৰ বাসগৃহত শেষ নিশ্বাস সাবিত্ৰী দেৱীৰ; ৰাজনীতিৰ পৰা আঁতৰত আছে যোগীৰ পৰিয়াল

মাতৃবিয়োগ যোগী আদিত্যনাথৰ, উত্তৰাখণ্ডৰ পৈতৃক গাঁৱত শোকৰ ছাঁ

অসম জাতিৰ খবৰ, ২০ নৱেম্বৰঃ উত্তৰ প্ৰদেশৰ মুখ্যমন্ত্ৰী যোগী আদিত্যনাথৰ মাতৃ সাবিত্ৰী দেৱীৰ মৃত্যুত শোকৰ ছাঁ পৰিছে তেওঁৰ উত্তৰাখণ্ডৰ পৈতৃক গাঁৱত। শুকুৰবাৰে উত্তৰাখণ্ডৰ পৌৰি গড়ৱাল জিলাৰ পঞ্চুৰ গাঁৱৰ নিজা বাসগৃহত ৯১ বছৰ বয়সত শেষ নিশ্বাস ত্যাগ কৰে সাবিত্ৰী দেৱীয়ে। যোগী আদিত্যনাথৰ কনিষ্ঠ ভাতৃ মহেন্দ্ৰ মোহনে মাতৃৰ মৃত্যুৰ খবৰ নিশ্চিত কৰে। মৃত্যুৰ পূৰ্বে তেওঁ শ্বাস-প্ৰশ্বাসজনিত সমস্যাত ভুগি আছিল বুলি জানিব পৰা গৈছে।

উত্তৰাখণ্ডৰ পঞ্চুৰ গাঁৱৰ সৈতে যোগী আদিত্যনাথৰ শৈশৱ আৰু পাৰিবাৰিক শিপা জড়িত হৈ আছে। পৰৱৰ্তী সময়ত তেওঁ কাষৰীয়া উত্তৰ প্ৰদেশত ৰাজনৈতিক জীৱন গঢ়ি তুলিলেও তেওঁৰ পৰিয়ালৰ অধিকাংশ সদস্যই উত্তৰাখণ্ডতে বাস কৰি আহিছে। ৰাষ্ট্ৰীয় ৰাজনীতিত যোগীৰ গুৰুত্বপূৰ্ণ স্থান থকাৰ পাছতো তেওঁৰ পৰিয়ালৰ সদস্যসকলে নিৰ্বাচনী ৰাজনীতি আৰু ৰাজহুৱা পদৰ পৰা আঁতৰত থাকি সাধাৰণ জীৱন যাপন কৰি আহিছে।

শেহতীয়াকৈ উত্তৰাখণ্ডৰ লোকসকলক লৈ কৰা মন্তব্যক কেন্দ্ৰ কৰি যোগী আদিত্যনাথ আৰু সমাজবাদী পাৰ্টিৰ মুৰব্বী অখিলেশ যাদৱৰ মাজত ৰাজনৈতিক বাকযুদ্ধৰ সৃষ্টি হৈছিল। সেই ঘটনাৰ পাছতে যোগীৰ উত্তৰাখণ্ডৰ শিপা আৰু পৰিয়ালক লৈ পুনৰ চৰ্চা আৰম্ভ হৈছিল।

যোগী আদিত্যনাথৰ ৰাজনৈতিক পৰিচিতি দেশজুৰি বিস্তৃত হ’লেও তেওঁৰ পৰিয়ালৰ অধিকাংশ সদস্যই জনজীৱনৰ আড়ম্বৰ আৰু ৰাজনৈতিক চৰ্চাৰ পৰা আঁতৰত থাকি পঞ্চুৰ গাঁৱতে জীৱন অতিবাহিত কৰি আহিছে।

🗞️ ছপা সংস্কৰণ আৰু ই-বাতৰি
এই বাতৰি আজিৰ সম্পূৰ্ণ ৮ পৃষ্ঠাৰ ডিজিটেল ই-বাতৰিত পঢ়ক

সম্পূৰ্ণ সংবাদপত্ৰৰ ৰূপত আল্ট্ৰা-এইচডি জুম আৰু PDF ডাউনলোড সুবিধা।

এই সংবাদ শ্বেয়াৰ কৰক:
WhatsApp X (Twitter) Facebook

ৰাষ্ট্ৰীয় বিভাগৰ অধিক সংবাদ