ত্ৰিপুৰাত ৮ একৰ ভূমিৰ ৪৫ হাজাৰ গাঞ্জা গছ ধ্বংস
আৰক্ষী, ত্ৰিপুৰা ৰাজ্যিক ৰাইফলছ আৰু সীমান্ত সুৰক্ষা বাহিনীৰ যৌথ অভিযান
অসম জাতিৰ খবৰ, পশ্চিম ত্ৰিপুৰা, ১৬ নৱেম্বৰঃ
অবৈধভাৱে খেতি কৰা গাঞ্জা গছৰ বিৰুদ্ধে অভিযান চলাই ত্ৰিপুৰা আৰক্ষীয়ে প্ৰায় ৪৫ হাজাৰ গাঞ্জা গছ ধ্বংস কৰে। সোমবাৰে (১৬ নৱেম্বৰ) পশ্চিম ত্ৰিপুৰা জিলাৰ প্ৰায় ৮ একৰ ভূমিত চলোৱা এই অভিযানত ত্ৰিপুৰা ৰাজ্যিক ৰাইফলছ আৰু সীমান্ত সুৰক্ষা বাহিনীয়েও সহযোগিতা আগবঢ়ায়।
শিধাই আৰক্ষী থানাৰ অন্তৰ্গত তৰণগৰ–নোৱাগাঁও অঞ্চলত পুৱতি নিশা ৪ বজাৰ পৰা পুৱা ৭ বজালৈ এই যৌথ অভিযান চলোৱা হয়।
অভিযানত অবৈধভাৱে খেতি কৰা গছসমূহ ধ্বংস কৰা হয়। নিচাজাতীয় সামগ্ৰীৰ অবৈধ খেতিৰ বিৰুদ্ধে সংশ্লিষ্ট বাহিনীসমূহে চলোৱা অভিযানৰ অংশ হিচাপে এই পদক্ষেপ গ্ৰহণ কৰা হয়।
সম্পূৰ্ণ সংবাদপত্ৰৰ ৰূপত আল্ট্ৰা-এইচডি জুম আৰু PDF ডাউনলোড সুবিধা।