পঞ্চম টি-২০ত ভাৰতৰ দুই উইকেটৰ পতন, ঈশান-কিষাণ আৰু শ্ৰেয়ছে চম্ভালিলে ইনিংছ
নিউজিলেণ্ডৰ বিৰুদ্ধে ছেডন পাৰ্কত টছত জিকি প্ৰথমে বেটিং ভাৰতৰ; অভিষেক শৰ্মা আৰু সঞ্জু ছেমছন সস্তাতে বিদায়।
অসম জাতিৰ খবৰ, ১ নৱেম্বৰঃ নিউজিলেণ্ডৰ বিৰুদ্ধে পঞ্চমখন টি-২০ আন্তঃৰাষ্ট্ৰীয় ক্ৰিকেট খেলত ভাৰতীয় দলটোৱে আৰম্ভণিতে দুটা গুৰুত্বপূৰ্ণ উইকেট হেৰুৱায়। ছেডন পাৰ্কত অনুষ্ঠিত খেলখনত নিউজিলেণ্ডৰ অধিনায়ক মিচেল ছেণ্টনাৰে টছত জয়লাভ কৰি ভাৰতক প্ৰথমে বেটিং কৰিবলৈ আমন্ত্ৰণ জনায়।
এই খেলখনতো ভাৰতীয় দলত স্থান নাপালে বৈভৱ সূৰ্যবংশীয়ে। ভাৰতীয় দলত দুটা পৰিৱৰ্তন কৰা হয়। বৰুণ চক্ৰৱৰ্তী আৰু ভুৱনেশ্বৰ কুমাৰক খেলাৰ সুযোগ দিয়া হয় যদিও চতুৰ্থ টি-২০ৰ বেটিং ক্ৰম অপৰিৱৰ্তিত ৰখা হয়।
অভিষেক শৰ্মা আৰু সঞ্জু ছেমছনে কম ৰানতে উইকেট হেৰুৱাৰ পিছত ঈশান কিষাণ আৰু শ্ৰেয়াছ আয়াৰে ইনিংছৰ গতি বৃদ্ধি কৰাৰ চেষ্টা চলায়।
উল্লেখ্য যে চতুৰ্থখন টি-২০ খেলত নিউজিলেণ্ডে ৮৭ ৰানৰ বৃহৎ ব্যৱধানত জয়লাভ কৰি ভাৰতৰ শৃংখলাত আটাইকেইখন খেলত জয়ৰ সম্ভাৱনাত বাধা দিছিল। সেই খেলখনত ঈশান কিষাণৰ প্ৰত্যাৱৰ্তনৰ ফলত বৈভৱ সূৰ্যবংশীয়ে দলৰ বাহিৰত থাকিবলগীয়া হৈছিল।
সম্পূৰ্ণ সংবাদপত্ৰৰ ৰূপত আল্ট্ৰা-এইচডি জুম আৰু PDF ডাউনলোড সুবিধা।
